Vaan tied tot tied vint me ’t in Mestreech aon d’n tied um e nui bezunder pesteurke touw te voge aon de gróp pesteurkes dee al ’t levesleech gezeen heet. 

Dat gebäört ouch noe weer mèt e hiel bezunder beeldsje, naomelek dat vaan Garderizzjemint de Kachelpiepers. 

De Kachelpiepers zien destijds, in 1951, opgeriech es Garderizzjemint vaan Zienen Hoegen Hoeglöstegheid vaan Groet-Mestreech. Es uniform is in twiede instantie gekoze veur de Sjotse Kilt en dat maak ’t rizzjemint noe zjus zoe bezunder. Es ’t rizzjemint oettrèk daan steit de Mestreechteneer, en ouch de bezeuker aon eus stad, eve stèl um te genete vaan dit korps en de meziek die ze make.

Veer zien jummers allemaol, stök veur stök, gruuts op wat langs kump.

Noe heet mevrouw Reggy Weysen-Hermans häör artistieke oug laote valle op ‘ne karakteristieke kop vaan eine vaan de Kachelpiepers. Dee heet model gestande veur dit Kachelpieperssnuutske. ‘t Köpke is veurzeen vaan ’t welbekinde sjeepke en netuurlek dreug ’t snuutske ’ne zwajeuze knievel. 

Wat de kwaliteit betröf: 

  • Broonslegering:RG10
  • Broons patina: greun
  • De maote: totale huugde 18 cm; broons 8 cm, hartsteine voot 10x5x5cm

Eder köpke is veurzeen vaan e certificaat

In eder Mestreechter hoeskamer zal dit pesteurke neet misstoon en geer daot ’t Garderizzjemint e groet plezeer door de kas te spekke.

Veur €222,- kin dit köpke auch eur hoeskamer seere. Bij interesse geere ‘ne mail sjikke nao [email protected]