Garderizzjemint ‘De Kachelpiepers’ heetget te viere

Toen de oonderofficere in 1951 op de Tapijn kazerne ’t idee kraoge um ’n prinsegarde te goon vörme roond de Stadsprins vaan Groet Mestreech, kòste ze ziech neet indinke tot 66 jaor laoter dit korps waor oetgegreujd tot ein vaan de steunpilere vaan de Mestreechter Vastelaovend.

Ouch wie in 1967 de börregerij ’t stèkske euvernaom stoont mè hei neet bij stèl.

In 2017 heet ’t Garderizzjemint get te viere. Ze bestoon neet allein 6×11 jaor ’n Vastelaovendszjubilei es rizzjemint, De Kachelpiepers zien ouch 50 jaor börgerkorps. E Dobbel-Zjubilei-jaor dus.

Fiesdaag

In ’t Vijfde Sezoen begeleie de Kachelpiepers wie altied, de Tempeleers en hunne Hoeglöstegheid. Mer op zaoterdag 25 miert 2017 zal ’t zjubilei groets gevierd weure in ’t centrum vaan Mestreech.

Same mèt ’n aontal bevrunde vereinigingen oet Mestreech en de Euregio trekke veer ’s middags door de straote. Ein veur ein prizzenteert eder vereiniging zich op de Merret aon ’t volk. De vereineginge die daobij aonwezeg zien:

  • Stadsvereineging De Tempeleers
  • Reuzengilde Gigantius
  • DD Stadssjötterij Mestreech
  • Ingel vaan Mestreech
  • Zate Herremenie Blamaasj
  • Aajd Kachelpiepers-regimint
  • Fanfare St Servatius Biesland
  • Mooswiever vaan St Pieter
  • Prinsejarde Vols
  • Aajd Prinse Sósjeteit
  • De Pottemennekes
  • KH Ster der Toekomst
  • Garderizzjemint de Kachelpiepers

Es aofsleting goon veer es ein courtèsj ‘ne kleine tour door de binnestad make.

’s Aovends höbbe veer op euze geboortegrond bij Brasserie Tapijn ‘ne besloten fiesaovend veur leie vaan de Kachelpiepers, femilie, vrun en lui die us ’n werm hart touwdrage. Begin miert zal ’n beperkt aontal kaarte veur dees fiesaovend verkocht weure. Hawt dees website en euze Facebook pagina good in de gate, want OP = OP.


Documentaire

Ter iere vaan us Dobbel Zjubilei weurt ‘ne korte documentaire gemaak boe ‘ne inkiek gegeve weurt in alle sjoen en unieke mominte die ste es Kachelpieper maags mètmake en bijdrage aon dee Mestreechter Vastelaovend. Es ’n veurpreefke zien dees twie korte teasers gemaak:

Sponsoren

Zoonder de sjariteit vaan us sponsoren kinne veer dee sjieke fiesdaag neet organiseren. Veer zien daan ouch bezunder gruuts dat zie us wèlle steune.


Zjubilei Hoofdsponsor

Zjubilei Sponsor

Zjubilei Vrund

Horeca Hoofdsponsor