Steunfonds

Neve, of wie geer wèlt, achter ’t Garderizzjemint De Kachelpiepers steit Stiechting Steunfoonds Kachelpiepers.

Dees Stiechting is in 2012 opgeriech um ’t regimint bij te stoon, mèt naome dao boe ’t geit um ’t in stand hawwe vaan de sjoen uniforme en ’t weerdevol instrumintarium. Dat is al mèt al ’n serieus opgaof boe de stiechting mèt väöl plezeer aon wèrk.

Stiechting Steunfoonds Kachelpiepers heet al mèt de hölp vaan e groet aontal sympathisante en sponsore ’n aontal winse vaan De Kachelpiepers kinne realisere. Dao zien veer gruuts op, zeker, meh veural zien veer uuch zier daankbaar veur eure steun daobij.

’t Steunfoonds wèlt bove al deveur zörge tot ’t regimint op ’n sjieke meneer häör bijdrage kin lievere aon de viering vaan Carneval in eus stad, jaor in, jaor oet, es ‘t Garderizzjemint vaan Ziene Hoegen Hoeglöstegheid, de Prins vaan Groet Mestreech.
’t Korps heet in häör rieke historie beweze tot zie op unieke wijs, kleur en klaank gief aon de Mestreechter Vastelaovend. ‘t Gief ummer e bezunder cachèt es zie koume aongemarsjeerd.

De stiechting wèlt daan ouch e beroop doen op eure sjariteit en uuch um ‘n bijdrage vraoge um de Kachelpiepers te steune veur noe en de touwkoms.

Zelf wèrke de leie vaan ‘t Rizzjemint, middels versjellende acties en extra optrejjes, mèt aon ‘t bijein bringe vaan de benudegde cent.

Hopelek help geer us ouch.

Eur zier gewaardeerde bijdrage kint geer euvermake op RABO baankrekeningnommer NL 78 RABO 0176 9883 43 ten naome vaan Stichting Steunfoonds Kachelpiepers.

Alvas euze harteleke daank daoveur!

—————————————————————————————————————–

Oetgaove 2 | December 2017

Mèt väöl plezeer prizzentere veer uuch euze nuitsbreef. De lètste daog vaan ’t jaor 2017 stoon veur de deur en daan loere veer gere trök, same mèt uuch, eus sympathisante, nao wat ’t aofgeloupe jaor gebrach heet. D’r is väöl um op trök te loere, jummers veur de Kachelpiepers waor ‘t ’t jaor vaan ’t Zjubileisezoen.

Klik hei um de nuitsbreef te leze.

—————————————————————————————————————–

Oetgaove 1 | December 2016

Gere prizzentere veer uuch dizze nuitsbreef. In de lètste daog vaan ’t jaor weurt per traditie al trök geloerd, dus doen veer dat ouch gere, same mèt uuch, eus sympathisante. Meh ouch loere veer veuroet nao ’t Zjubileisezoen.

Klik hei um de nuitsbreef te leze.